العاب بعدها بالبال...بتتذكروها؟

وسام سعاده | 26 شباط 2020 | 15:40

كلّ جيل وإلو عالمو الخاص، بس رغم هالشي ما فينا ننكر انو كلّ جيل بيترك بصمة للجيل البعدو بعدة مجالات. تطوّر كبير شهدنا بالسنوات الاخيرة، وبعدو العالم عم يتطوّر كل يوم بيومو بشكل سريع ومخيف،بس كل تطور إلو أسس قديمة انبنت،ويمكن الحضارات اللي سبقتنا كانت سابقتنا كتير بالتقدم والتطور والالعاب،ما حدا بيعرف!

تحديدا حبيّت استرجع معكم بعض ذكريات الالعاب الطفولية، البعض منّا عاش هالفترة من الزمن والبعض سمع عنها والبعض الاخر بعدو بيتذكرها وبينقلها للجيل الجديد.

طيارة الورق


فيروز وغنتلها:"طيري يا طيارة طيري يا ورق وخيطان ... بدي ارجع طفلة صغيرة على سطح الجيران"

مين ما بحب يرجع صغير ويمسك طيارة ورق بخيط ويركض يطيرها؟.

سيارة السردين

كانو الولاد ينطروا مناطرة لتفضى علب السردين،يغسلوها ويربطوها بخيط لتصير السيارة المفضل عندن،ويتسابقوا فيها على طرقات التراب.

لعبة الغلل

وتجميع الغلل ومين بصيبها؟ وغلة تضيع وغلة تختفي... واسماء عديدة متل الطس والطحبوش. 

بلبل البلوط

كانوا يجمعوا البلوط ويعملولن مسكة بعود خشب رفيع ليصير اسرع بلبل بيغزل عالارض

سبع بلاطات


صفّ سبع بلاطات ومحاولات متتلاية لتوقيعن...هلقد تغيروا الالعاب! هلقد كبرنا؟!

بس في اشيا شو ما صار ما بظن بتنتاسا،شو قولكن الجيل الجايي ح يخبرها ليلي بعدو؟


إظهار التعليقات

يلفت موقع النهار الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.